VIDEO: მსოფლიო ჩემპიონი დანიასთან სტუმრად უშანსოდ დამარცხდა, მაგრამ დივიზიონში დაქვეითებას გადაურჩა

ერთა ლიგის A დივიზიონის მე-6 ტურში საფრანგეთის ნაკრები სტუმრად დანიასთან დამარცხდა.

შეხვედრა „პარკენ სტედიუმზე“ გაიმართა და მასპინძელთა გამარჯვებით 2:0 დასრულდა.

ორივე გოლი მასპინძლებმა პირველ ტაიმში გაიტანეს - 34-ე წუთზე დოლბერგმა ანგარიში გახსნა, 39-ზე კი სკოვ ოლსენმა ორამდე გაზარდა სხვაობა.

ამრიგად, საფრანგეთმა ჯგუფში ერთადერთი გამარჯვებით 5 ქულა დააგროვა და A დივიზიონიდან გავარდნას მხოლოდ იმით გადაურჩა, რომ წინა ტურში ავსტრია დაამარცხა. შედეგად, გუნდი მე-3 ადგილზე გავიდა და მომდევნო გათამაშებაშიც უმაღლეს დივიზიონში ითამაშებს.

დანიამ კი 12 ქულა დააგროვა და ნახევარფინალში გასვლასთან ახლოს იყო, თუმცა პარალელურ შეხვედრაში ხორვატიამ ავსტრიას სძლია და შემდეგ ეტაპზეც სწორედ ეს ნაკრები გავიდა.