VIDEO: ნანატრი გამარჯვება! ბარსელონამ კამპ ნოუზე დინამო კიევი პიკეს გოლით დაამარცხა

ჩემპიონთა ლიგის მესამე ტურში „ბარსელონამ“ შინ „დინამო კიევი“ დაამარცხა და ჯგუფური ეტაპის პირველი გამარჯვება მოიპოვა.

შეხვედრა სტადიონ „კამპ ნოუზე“ გაიმართა და მასპინძელთა გამარჯვებით 1:0 დასრულდა.

მატჩის ერთადერთი გოლი 36-ე წუთზე ჟერარ პიკემ, ჟორდი ალბას პასით გაიტანა და „ბარსასთვის“ ეს გამარჯვების მოსაპოვებლად საკმარისი აღმოჩნდა.

„ბარსელონამ“ 3 ქულა დააგროვა და ცხრილში მე-3 ადგილზე გადაინაცვლა, „კიევი“ კი 1 ქულით ბოლო ადგილზე ჩამოვარდა.