VIDEO: ნიდერლანდების უსახური მატჩი და ფრე - მუნდიალიდან ოფიციალურად პირველი გუნდი გავარდა

მსოფლიო ჩემპიონატის A ჯგუფის მეორე ტურში ნიდერლანდებმა ეკვადორის დამარცხება ვერ მოახერხეს.

შეხვედრა ფრედ, 1:1 დასრულდა.

მატჩის მე-6 წუთზე გაკპომ მუნდიალზე მეორე გოლი შეაგდო და ნიდერლანდები დააწინაურა, თუმცა 49-ზე ენერ ვალენსიამ ჩემპიონატზე მესამე გოლის გატანა მოახერხა და თავის გუნდს ქულა გადაურჩინა.

ამ მატჩის შედეგად, მსოფლიო ჩემპიონატიდან ოფიციალურად გავარდა პირველი გუნდი - ორი ტურის შემდეგ, ჯგუფიდან გასვლის შანსი მასპინძელმა კატარმა დაკარგა.