VIDEO: ორი ავტოგოლი ბოლო 10 წუთში - მანჩესტერმა სევილიასთან გამარჯვება ჯიბიდან თავადვე ამოიღო

ევროპა ლიგის მეოთხედფინალში „მან იუნაიტედმა“ საკუთარ კედლებში „სევილიასთან“ ფრე ითამაშა.

შეხვედრა „ოლდ ტრაფორდზე“ გაიმართა და ფრედ 2:2 დასრულდა.

მე-14 და 21-ე წუთებზე ზაბიტცერის დუბლით „მანჩესტერი“ მშვიდად 2:0-ს იგებდა და თითქოს, მოულოდნელი არაფერი უნდა მომხდარიყო.

თუმცა, 84-ზე ჯერ მალასიამ, 90+2-ზე კი ჰარი მაგუაირმა ავტოგოლები გაიტანეს და მატჩი ფრედ დასრულდა.

ამრიგად, ყველაფერი ერთ კვირაში, ესპანეთში გასამართ მატჩში გადაწყდება.