VIDEO: ორი ავტოგოლი და გოლების წვიმა სიგნალ იდუნა პარკზე - ბაიერნი უკვე ბუნდესლიგის ჩემპიონია?!

ბუნდესლიგის 21-ე ტურში „ბორუსია დორტმუნდმა“ საკუთარ კედლებში „ბაიერ ლევერკუზენს“ უმასპინძლა.

შეხვედრა „სიგნალ იდუნა პარკზე“ გაიმართა და „ფარმაცევტების“ გამარჯვებით 5:2 დასრულდა.

მე-11 წუთზე ანგარიში აკანჯის ავტოგოლით გაიხსნა, თუმცა 16-ზე ფრიმპონგმა თავისი ავტოგოლით უპასუხა და ტაბლოზე წონასწორობა აღდგა. 

თუმცა, ლევერკუზენმა“ ტაიმის ბოლომდე კიდევ ორი გოლის გატანა მოასწრო და 45 წუთის შემდეგ კომფორტული უპირატესობით 3:1-ს იგებდა.
53-ე წუთზე ჯონატან ტამ „დორტმუნდის“ კარში მე-4 გოლი გაიტანა, 87-ზე მუსა დიაბიმ კი ანგარიში საერთოდ სენსაციური, 5:1 გახადა.

ერთადერთი, რაც „დორტმუნდმა“ მოასწრო, 89-ე წუთზე ტიგესის მიერ გატანილი გოლია, რომელმაც გუნდი განადგურებისგან ვერ იხსნა.

21 ტურის შემდეგ მე-2 ადგილზე მყოფი „დორტმუნდს“ 43 ქულა აქვს და „ბაიერნს“ უკვე 9 ქულით ჩამორჩება, „ლევერკუზენი“ კი 38 ქულით მე-3 პოზიციაზეა.