VIDEO: ორი გაძევება, ზლატანის ავტოგოლი და შემდეგ გოლი - მილანმა სასწაულ მატჩში იმარჯვა
სერია ა-ს მე-9 ტურში „მილანმა“ სტუმრად „ბოლონიას“ მოუგო.
შეხვედრა „სტადიო რენატო დალაარაზე“ გაიმართა და მილანური გუნდის გამარჯვებით 3:2 დასრულდა.
მატჩი ძალიან დრამატული გამოვიდა - მე-16 წუთზე რაფაელ ლეაომ ანგარიში გახსნა. 20-ზე მასპინძლები 10 კაცით დარჩნენ, როცა პირდაპირი წითელი ბარათი სუმაოროს უჩვენეს და მოედნიდან გააძევეს.
35-ე წუთზე კალაბრიამ „მილანის“ მეორე გოლიც შეაგდო და თითქოს, მატჩის ბედი გადაწყვიტა.
თუმცა, მეორე ნახევარი ძალიან დაძაბული გამოვიდა. 49-ე წუთზე ზლატან იბრაჰიმოვიჩმა ბურთი საკუთარ კარში ჩაჭრა, 52-ზე კი ბეროუმ ანგარიში გაათანაბრა
მეორე გოლიდან 6 წუთში „ბოლონია“ საერთოდ 9 კაცით დარჩა - ამჯერად პირდაპირი წითელი ბარათი სორიანომ მიიღო.
ასეთ პირობებში მასპინძლებმა ფრის შენარჩუნება ვერ მოახერხეს და 84-ე წუთზე გატყდნენ, როცა ბენასერმა „მილანი“ კვლავ წინ გაიყვანა.
წერტილი კი 90-ზე ზლატან იბრაჰიმოვიჩმა დასვა, რომელმაც ავტოგოლის გამო ვალი გამოისყიდა და ამჯერად მეტოქის კარში შეაგდო გოლი.
„მილანმა“ 25 ქულა დააგროვა და მინიმუმ „ნაპოლის“ მატჩამდე პირველ ადგილზე გადაინაცვლა.