VIDEO: პაულუ ფონსეკა მსაჯს დაუპირისპირდა

თარიღი: 02 Mar 2025, 22:53

ლიგა 1-ის 24-ე ტურში გიორგი მიქაუტაძის ლიონმა ალექსანდრ ლაკაზეტის დუბლით ბრესტი 2-1 დაამარცხა.

ქართველმა მოედანზე 90 წუთი გაატარა და Sofascore-ისგან 6.3-ქულიანი შეფასება მიიღო.

ამ შეხვედრის მთავარი ჰაილაითი კი პაულუ ფონსეკას მონაწილეობით ვიხილეთ - მატჩის მიწურულს ლიონის მთავარი მწვრთნელი მსაჯის გადაწყვეტილებას არ დაეთანხმა და მას დაუპირისპირდა.

პორტუგალიელმა სპეციალისტმა მთავარ არბიტრ ბენუა მილოს შუბლი შუბლზე მიადო და, რომ არა სხვების ჩარევა, შესაძლოა, საქმე ხელჩართულ ჩხუბამდეც მისულიყო.

Vu la jurisprudence "Pablo Longoria", Paulo Fonseca va prendre 30 matchs de suspension. pic.twitter.com/lLn5fYbmVb
— Salim Lamrani (@SalimLamraniOff) March 2, 2025