VIDEO: პირველი მარცხი სეზონში — პსჟ-მ მრისხანე შემტევ ტრიოსთან ერთად მოულოდნელად რენთან წააგო
საფრანგეთის ჩემპიონატის მე-9 ტურის ეგიდით, "რენმა" შინაურ კედლებში "პარი სენ ჟერმენს" უმასპინძლა.
აღნიშნული შეხვედრა მასპინძელთა გამარჯვებით დასრულდა, ორბურთიანი სხვაობით - 2:0.
ანგარიში პირველი ტაიმის ბოლოს, 45-ე წუთზე გაიხსნა - პარიზელთა კარი ფორვარდმა, გაეტან ლაბორდემ აიღო.
"რენმა" თავისი უპირატესობა მეორე ნახევრის დაწყებისთანავე გაზარდა - 46-ე წუთზე, ცენტრალურმა ნახევარმცველმა, ფლავიენ ტაიტმა გაიტანა და საბოლოო შედეგი დააფიქსირა.
გამოსარჩევია ის ფაქტი, რომ "პსჟ" მოედანზე მრისხანე შემტევი ტრიოთი გავიდა - მესი, ნეიმარი, მბაპე. მიუხედავად ამისა, როგორც ხედავთ, მაურისიო პოჩეტინოს შეგირდებმა ამ სეზონში პირველი მარცხი იგემეს.
ამ მარცხის შემდეგ, ლიგა 1-ის სატურნირო ცხრილს "პსჟ" 24 ქულით კვლავ ერთპიროვნულად ლიდერობს, "რენი" კი 12 ქულით მე-7 პოზიციაზეა.
