VIDEO: პირველი ტიტული კლუბის ისტორიაში — 10-კაციანმა ლაიფციგმა გერმანიის თასი მოიგო!
ბერლინში, "ჰერტას" საშინაო არენა "ოლიმპიაშტადიონზე" გერმანიის თასის ფინალი გაიმართა, სადაც ერთმანეთს "ფრაიბურგი" და "ლაიფციგი" დაუპირისპირდნენ.
აღნიშნული მატჩის ძირითადი დრო ფრედ, 1:1 დასრულდა, საქმე პენალტების სერიამდე მივიდა, სადაც ნომინალურმა სტუმარმა იმარჯვა - 2:4.
შეხვედრაში ანგარიში მე-19 წუთზე ფორმალური მასპინძელის ნახევარმცველმა, მაქსიმილიან ეგელშტეინმა გახსნა.
55-ე წუთზე ცენტრალური მცველი, მარსელ ჰალსტენბერგი გააძევეს მოედნიდან და "ლაიფციგის" მდგომარეობა კიდევ უფრო დამძიმდა.
თუმცა, 10 კაცით დარჩენილმა გუნდმა 76-ე წუთზე წონასწორობის აღდგენა მოახერხა - თავი კრისტოფერ ნკუნკუმ გამოიჩინა.
მატჩი დამატებით დროში გადავიდა, რომელმაც უგოლოდ ჩაიარა და საქმე პენალტების სერიამდე მივიდა, სადაც "ლაიფციგმა" 4:2 მოიგო და ისტორიაში პირველ ტიტულს დაეუფლა.
