ავტორიზაცია
VIDEO: რეალმა აინტრახტი დაამარცხა, უეფას სუპერთასი ისტორიაში მე-5-ედ მოიგო და ბარსელონას გაუთანაბრდა!
2022 წლის უეფას სუპერთასის ეგიდით, ფინეთის დედაქალაქ ჰელსინკიში, მადრიდის "რეალისა" და ფრანკფურტის "აინტრახტის" მატჩი შედგა.
აღნიშნული დაპირისპირება "სამეფო კლუბმა" ორბურთიანი ჰანდიკაპით მოიგო - 2:0.
შეხვედრაში ანგარიში 37-ე წუთზე დავიდ ალაბამ გაიხსნა, შედეგიანი გადაცემა კი საკუთარ აქტივში კაზემირომ ჩაიწერა.
65-ე წუთზე მადრიდელთა უპირატესობა ორ ბურთამდე გაიზარდა - ვინისიუს ჟუნიორის გადაცემით მეტოქის კარი კარიმ ბენზემამ აიღო და საბოლოო ანგარიშიც დააფიქსირა.
გამოსარჩევი ფაქტია, რომ "რეალი" უეფას სუპერთასის ტიტულს ისტორიაში მე-5-ედ დაეუფლა და რეკორდსმენ კატალონიის "ბარსელონას" გაუთანაბრდა.
მოგეხსენებათ, აღნიშნულ ტურნირზე ერთმანეთს ჩემპიონთა ლიგისა და ევროპა ლიგის მოქმედი გამარჯვებულები ხვდებიან.
