ავტორიზაცია
VIDEO: თასზე გაუგებრობის შემდეგ, ბაიერნმა სტუმრად უნიონი გაანადგურა და ცხრილის სათავეში დარჩა
ბუნდესლიგის მე-10 ტურში „ბაიერნმა“ სტუმრად „უნიონ ბერლინი“ დაამარცხა.
შეხვედრა გერმანიის დედაქალაქში გაიმართა და ბავარიელთა გამანადგურებელი გამარჯვებით, 5:2 დასრულდა.
მატჩში გოლები რობერტ ლევანდოსვკიმ (15’ 23’), ლეროი სანემ (35’), კინსლი კომანმა (61’) და თომას მიულერმა (79’) გაიტანეს.
„უნიონის“ რიგებში კი თავი გისელმანმა (43’) და რიერსონმა (65’) გამოიჩინეს.
„ბაიერნმა“ თასზე „გლადბახთან“ 0:5 განადგურების შემდეგ ბუნდესლიგაში მორიგი გამარჯვება მოიპოვა და ცხრილს 25 ქულით ერთპიროვნულად ლიდერობს.
