VIDEO: ტენ ჰაგი მანჩესტერში წაგებით იწყებს - მანჩესტერი პრემიერ ლიგის პირველ ტურში ოლდ ტრაფორდზე დამარცხდა

პრემიერ ლიგის პირველ ტურში „მანჩესტერ იუნაიტედი“ საკუთარ კედლებში „ბრაიტონთან“ დამარცხდა.

შეხვედრა „ოლდ ტრაფორდზე“ გაიმართა და სტუმართა გამარჯვებით 2:1 დასრულდა.

პირველი ტაიმი „ბრაიტონმა“ 2:0 მოიგო - გროსმა 30-ე და 39-ე წუთებზე ორი გოლი გაიტანა და სენსაციური შედეგი დააფიქსირა.

ერთადერთი, რაც „მანჩესტერმა“ მოახერხა - 68-ე წუთზე ერთი გოლია, რომელიც მაკალისტერმა თავის კარში ჩაჭრა და ინტრიგა დააბრუნა.

კრიშტიანუ რონალდუმ მატჩი თადარიგში დაიწყო და მოედანზე 53-ე წუთზე შემოვიდა, თუმცა გადამწყვეტი ცვლილების თამაშში შეტანა ვერ მოახერხა.

ამრიგად, ერიკ ტენ ჰაგმა „მანჩესტერის“ სათავეში თავისი ოფიციალური სადებიუტო მატჩი დათმო და ინგლისური კარიერა წაგებით დაიწყო.