VIDEO: უხვგოლიანი მატჩი უემბლიზე – ლივერპულმა სიტის მოუგო და ინგლისის თასის ფინალში გავიდა

ინგლისის FA თასის ნახევარფინალის ეგიდით, უემბლიზე "მანჩესტერ სიტისა" და "ლივერპულის" დაპირისპირება შედგა.

აღნიშნული შეხვედრა მერსისაიდელთა გამარჯვებით დასრულდა - 3:2.

იურგენ კლოპის შეგირდებმა ბრწყინვალე პირველი ტაიმი ჩაატარეს და მეტოქეს სამი უპასუხო გოლი გაუტანეს.

ანგარიში მე-9 წუთზე იბრაჰიმა კონატემ გახსნა, რასაც მე-17 და 45-ე წუთებზე სადიო მანეს გოლები მოჰყვა.

"ქალაქელებმა" მეორე ნახევრის სტარტზევე ერთი ბურთი გაქვითეს - "ლივერპულის" კარი 47-ე წუთზე ჯეკ გრილიშმა აიღო.

91-ე წუთზე ბერნარდო სილვამ სხვაობა მინიმუმამდე შეამცირა, თუმცა მატჩის გადასარჩენად ეს საკმარისი არ აღმოჩნდა და "სიტი" თასის ფინალს მიღმა დარჩა.