VIDEO: ზედიზედ მეათედ გაჩემპიონებულმა ბაიერნმა სტუმრად მაინცთან ორბურთიანი სხვაობით წააგო

გერმანიის ჩემპიონატის 32-ე ტურის ეგიდით, "ბაიერნი", რომელსაც საჩემპიონო ტიტული უკვე განაღდებული აქვს, "მაინცს" ესტუმრა.

აღნიშნული დაპირისპირება მიუნხენელებმა ორბურთიანი ჰანდიკაპით დათმეს - 1:3.

ანგარიში მე-18 წუთზე ჯონათან ბურკარდტმა გახსნა, რასაც ზუსტად 9 წუთში მუსა ნიახატეს გოლი მოჰყვა და მასპინძელთა უპირატესობა ორამდე გაზარდა.

33-ე წუთზე რობერტ ლევანდოვსკიმ სხვაობა შეამცირა და პირველ ტაიმში მეტი არაფერი შეცვლილა.

საბოლოო შედეგი ლეანდრო ბარეირომ დააფიქსირა, რომელმაც "რეკორდმაისტერის" კარი 57-ე წუთზე აიღო.

მოგეხსენებათ, "ბაიერნი" ბუნდესლიგის სატურნირო ცხრილში 75 ქულით პირველ ადგილს იკავებს და ტიტული უკვე განაღდებული აქვს, ხოლო "მაინცი" 42 ქულით მე-9 პოზიციაზეა.