ავტორიზაცია
ვილი სანიოლის პრესკონფერენცია უკრაინასთან მატჩის წინ
უკრაინასთან მატჩის წინ, საქართველოს ნაკრების მთავარმა მწვრთნელმა, ვილი სანიოლმა პრესკონფერენცია გამართა.
მზადების პროცესზე
"ამ მატჩისთვის მომზდება პოლონეთშივე გადავწყვიტეთ, რადგან ფეხბურთელებისთვის აქ ჩამოსვლა უფრო კომფორტული იყო. გუნდში კარგი ატმოსფეროა და მზად ვართ, კიდევ ერთი მოგება მოვიპოვოთ."
უკრაინის ნაკრებზე
"მათ საკმაოდ ძლიერი, ინდივიდუალურად გამორჩეული ფეხბურთელები ჰყავთ.
რთული მატჩი გველის, მაგრამ მოტივირებულნი ვართ, რომ მოვიგოთ."
საქართველოს ნაკრების წარმატებულ სვლაზე
"ჩემი ფეხბურთელების დამოკიდებულებით კმაყოფილი ვარ. ფეხბურთში, შესაძლოა, ან დამარცხდე, ან მოიგო, მაგრამ მთავარია, მოედანზე საკუთარი შესაძლებლობები ბოლომდე წარმოაჩინო - ამას ქართველები შესანიშნავად აკეთებენ."
ჯგუფიდან გასვლის პერსპექტივაზე
"4 მატჩი დავრჩა, ამიტომაც, ამჟამინდელი პოზიცია არაფერს წყვეტს. ჩეხეთი, უკრაინა და ალბანეთი მაღალი დონის გუნდები არიან. რთული ჯგუფია - მოგება ყველას ყველასთან შეუძლია.
სექტემბერში მოპოვებულმა გამარჯვებებმა მოგვცა მუხტი, რომ ოქტომბერშიც ასეთი სვლა გავაგრძელოთ."
ნაკრების ახალწვეულებზე
"გულიაშვილი და გოგლიჩიძე მზადების პროცესში კარგად ჩაერთვნენ. მათ ასაკობრივი ნაკრებები გავლილი აქვთ და ეროვნულ გუნდთან ადაპტაცია არ გაუჭირდათ.
გიორგისა და საბას ჩართულობა ჩვენთვის ძალიან მნიშვნელოვანია. ნაკრებში კარი ყველასთვის ღიაა. გულიაშვილს კლუბში საკმაოდ წარმატებული სერია ჰქონდა. ნაკრებში დიდი კონკურენციაა და განაცხადში ის ხვდება, ვინც იმსახურებს."
საქართველო უკრაინას ხვალ, პოლონეთში დაუპირისპირდება. მატჩი სტარტს თბილისის დროით 22:45 საათზე აიღებს.
ერთა ლიგის 2 ტურის შემდეგ, საქართველო 6 ქულით ჯგუფის ლიდერია, 3 ქულითა და ბურთების უკეთესი სხვაობით მე-2 ადგილს ალბანეთი იკავებს, ასევე 3 ქულა აქვს მე-3 პოზიციაზე მყოფ ჩეხეთს, ბოლოადგილოსანი უკრაინა კი უქულოდაა.
