ვილიარეალის ახალი მთავარი მწვრთნელის ვინაობა ცნობილია

კლუბის პრესსამსახურმა ხოსე როხო მარტინის, უფრო ცნობილი "პაჩეტას" სახელით დანიშვნა გამოაცხადა. 

55 წლის სპეციალისტთან ხელშეკრულება 2023/2024 წლების სეზონის ბოლომდეა ძალაში.

"პაჩეტას" ბოლო სამუშაო ადგილი "ვალიადოლიდი" იყო, საიდანაც მიმდინარე წლის აპრილში მადრიდის "რეალთან" 0:6 მარცხის შემდეგ გაათავისუფლეს.

შეგახსენებთ, რომ "ვილიარეალმა" ცოტა ხნის წინ კიკე სეტიენი დაითხოვა.

ამჟამად "ყვითელი წყალქვეშა ნავი" ესპანეთის ჩემპიონატის სატურნირო ცხრილში მე-15 ადგილზეა.