ვინ არის ლეროი სანესთვის ბრძოლაში ფავორიტი? - გერმანელით რამდენიმე კლუბი ინტერესდება

Mirror Football-ისა და Sport-ის ცნობებით, ლეროი სანეთი მანჩესტერ იუნაიტედი, ტოტენჰემი და ჩელსი ინტერესდებიან, მაგრამ გერმანელისთვის ბრძოლაში ფავორიტი ბარსელონაა.

ბარსა 2025 წლის ზაფხულის სატრანსფერო ფანჯარაზე მარცხენა გარემარბის შეძენას გეგმავს. კატალონიურ გრანდს რაფაელ ლეაუს, ნიკო უილიამსს, ხვიჩა კვარაცხელიასა და ლუის დიასსაც უკავშირებენ, მაგრამ ახლა სიას სანეც დაემატა, რომელთანაც ჰანსი ფლიკს განსაკუთრებული ურთიერთობა აქვს.

ლეროის ბაიერნთან ახალი კონტრაქტი ჯერ არ შეუთანხმებია, რაც რამდენიმე გრანდის ყურადღებას იქცევს, მათ შორის, "ბლაუგრანას" ინტერესსაც. ფლიკმა "რეკორდმაისტერში" მუშაობისას სანე ერთხელ უკვე გაიფორმა - ჰანსის ხელში გერმანელმა 44 მატჩი ჩაატარა, 10 გოლი გაიტანა, 12 ასისტი გააკეთა და გუნდთან ერთად ყველა ტიტული მოიგო.

სანეს მიუნხენურ კლუბთან კონტრაქტი 2025 წლის 30 ივნისს ეწურება, რაც ნიშნავს, რომ ზაფხულში ის თავისუფალი აგენტი ხდება.