ავტორიზაცია
"ვინ დაინახა ორჯერ შეხება?!" — სიმეონესა და ანჩელოტის კომენტარები მატჩის შემდეგ
ჩემპიონთა ლიგაზე ატლეტიკოსა და რეალ მადრიდის დაპირისპირების შემდეგ, დიეგო სიმეონემ და კარლო ანჩელოტიმ მედიასთან ისაუბრეს.
იღბალზე არ ვისაუბრებ. ჩემი გუნდითა და ქომაგებით ვამაყობ, იმ გზით, რომლითაც ვიბრძვით - ეს ისტორიას დარჩება. შეგვეძლო, კიდევ გაგვეტანა. მეტოქეს მომენტები არ ჰქონია. დიდებულად ვიმუშავეთ.
დიეგო სიმეონე: "ვინმემ დაინახა, რომ ხულიანი ბურთს ორჯერ შეეხო?! თუ დაინახეთ, ხელი აწიეთ. ყველა ჩუმადაა. შემდეგ კითხვაზე გადადით.
არასდროს მინახავს, რომ VAR-ს პენალტების სერიაში დარტყმა გადაემოწმებინოს. მაგრამ, მინდა, მჯეროდეს, რომ არბიტრებმა დარღვევა ნამდვილად შეამჩნიეს. თუ მსაჯი ასეთ გადაწყვეტილებას იღებს, ვერაფერს შევცვლით.
ისინი ჩემპიონთა ლიგაზე თითქმის ყოველთვის გვამარცხებენ, მაგრამ ჩვენთან გამკლავება უჭირთ.
პენალტები ვარჯიშებსა და მატჩებში განსხვავებულია."
კარლო ანჩელოტი: "გვინდოდა, მე-5 პენალტი ენდრიკს დაერტყა, მაგრამ რიუდიგერი უფრო დამშვიდებული ჩანდა.
ვინისიუსი პენალტის შესრულებას არ აპირებდა და მთხოვა, მოედნიდან გამეყვანა, რადგან დაღლილი იყო.
ალვარესმა მარჯვენა ფეხით დაარტყა და ბურთი მარცხენაზე შეეხო. რაც მოხდა, უცნაური იყო. ეს ლატარიაა."
