ვინ იქნება ევრო 2024-ზე ყველაზე ასაკოვანი ფეხბურთელი?

ევროპის ჩემპიონატის დაწყებამდე სულ რამდენიმე დღეღა დარჩა - ტურნირი სტარტს 14 ივნისს აიღებს.

საინტერესოა, ვინ იქნება ყველაზე ასაკოვანი ფეხბურთელი ევრო 2024-ზე. სავარაუდოდ, ბევრი იფიქრებს, რომ სწორი პასუხი ლუკა მოდრიჩია, რომელიც 38 წლის, 9 თვისა და 6 დღისაა, მაგრამ ეს არასწორი პასუხია.

ხორვატი ლეგენდა ამ სიაში მესამე ადგილს იკავებს. მეორე პოზიციაზე 39 წლის, 4 თვისა და 13 დღის კრიშტიანუ რონალდუა, პირველ ადგილზე კი მისი თანაგუნდელი, 41 წლის, 3 თვისა და 23 დღის პეპე იმყოფება.