ვინ შეცვლის ბენ იედერის? - მონაკო სამ კანდიდატს განიხილავს

L'ÉQUIPE-ის ინფორმაციით, "მონაკო" გამოცდილი ფორვარდის შემცვლელად ამ ეტაპზე სამ ვარიანტს განიხილავს.

ერთ-ერთი კანდიდატი გიორგი მიქაუტაძე გახლავთ, რომლის მიმართ ინტერესის შესახებ აქტიურად იწერება. 

თუ რამდენიმე ავტორიტეტულ გამოცემას დავუჯერებთ "მონეგასკები" მზად არიან მიქაუტაძის ტრანსფერში 15-20 მილიონი ევრო გადაიხადონ.

ქართველი ფორვარდის გარდა არსებობს კიდევ ორი მოთამაშის მიმართ ინტერესი. საუბარია "ჩელსის" ალბანელ თავდამსხმელ არმანდო ბროიას და "ზალცბურგის" ახალგაზრდა ფორვარდის კარიმ კონატეს ვარიანტზე.