ვინ უნდა გახდეს ბარსელონას კაპიტანი ახალ სეზონში? არაუხო მეორეა - გულშემატკივრებმა სასურველი ვარიანტი აირჩიეს

„ბარსელონას“ გულშემატკივრებს სურთ, რომ გუნდის ახალი კაპიტანი მარკ-ანდრე ტერ შტეგენი გახდეს.

იმის გამო, რომ სეზონის დასრულების შემდეგ, კლუბს სერხიო ბუსკეტსი და ჟორდი ალბა დატოვებენ, ახალი კაპიტანი სერხი რობერტო უნდა გახდეს, რომელიც გულშემატკივრებში პოპულარობით ვერ სარგებლობს.

Mundo Deportivo-ს მკითხველებს უნდათ, რომ გუნდის სრულფასოვანი კაპიტანი გერმანელი გოლკიპერი გახდეს, მის კანდიდატურას ხმა 47.16%-მა დაუჭირა.

მეორე ადგილზე პოპულარობით რონალდ არაუხოა, რომელსაც რესპოდენტთა 26.37%-მა მისცა ხმა. მესამეზე ფრენკი დე იონგი გავიდა (6.62%).

ხუთეულში მოხვდნენ ასევე სერხი რობერტო (6.31%) და რობერტ ლევანდოვსკი (5.25%).

უდიდესი ალბათობით, გუნდის პირველი კაპიტანი ლეო მესი გახდება, იმ შემთხვევაში, თუ გუნდში ორწლიანი პაუზის შემდეგ ზაფხულში დაბრუნდება.