ვინისიუს ჟუნიორის მადრიდული მომავალი გაურკვეველია

ოქროს ბურთზე მომხდარი მოვლენების შემდეგ, ვინისიუს ჟუნიორის მადრიდული მომავალი კითხვის ნიშნის ქვეშ დგას. გავრცელებული ცნობებით, არაბული კლუბები ძალიან ოპტიმისტურად არიან განწყობილნი, რომ ბრაზილიელის გადაბირებას შეძლებენ.

აღნიშნული ჯილდოს ვერმოგებამ ვინისიუსზე ძალიან იმოქმედა. მიუხედავად იმისა, რომ მას რეალთან კონტრაქტი 2027 წლამდე აკავშირებს, სპეკულაციები უკვე გაჩნდა.

Mundo Deportivo-ის ინფორმაციით, საუდის კლუბებთან ერთად, ბრაზილიელი შემტევის სიტუაციას პარი სენ-ჟერმენი, ჩელსი და მანჩესტერ იუნაიტედიც აკვირდებიან. ოქროს ბურთის გარდა, ვინისიუსმა საკუთარ მომავალზე, შესაძლოა, იმის გამოც იფიქროს, რომ ესპანურ სტადიონებზე შეურაცხყოფას ხშირად აყენებენ.

მომდევნო კვირებში ჟუნიორს წარმომადგენლებსა და რეალის ხელმძღვანელობას შორის შეხვედრა იგეგმება, რათა ყველაფერი გაირკვეს. Sport-ის ცნობით, მადრიდულ კლუბს ვინისიუსის ერთგულებაში უკვე ეჭვი ეპარება და ფიქრობს, რომ ის წასვლას განიხილავს. ალ ჰილალი ბრაზილიელს ასტრონომიულ შეთავაზებას უმზადებს.