ვირჯილ ვან დაიკის შეძენით 3 ევროპული გრანდი ინტერესდება

CaughtOffside-ის ინფორმაციით, ვირჯილ ვან დაიკის სიტუაციას რამდენიმე ევროპული გრანდი აკვირდება და მისი დამატებით ინტერესდება.

კერძოდ, ნიდერლანდელი ფეხბურთელის შეძენის სურვილს ბარსელონა, იუვენტუსი და ინტერი გამოთქვამენ. ამასთან, ვირჯილის წარმომადგენლებს ალ ნასრის ხელმძღვანელები ესაუბრნენ.

ვან დაიკის პრიორიტეტი ლივერპულში დარჩენაა, მაგრამ მას კონტრაქტი 2025 წლის ზაფხულში ეწურება და ჯერ ახალი ხელშეკრულება არ გაუფორმებია. მერსისაიდელებმა ვირჯილს შეთავაზება გაუკეთეს, მაგრამ ფეხბურთელს ჯერ არ უპასუხია.

თუ ვან დაიკი კონტრაქტს არ გაახანგრძლივებს, მსურველ კლუბს ზაფხულის სატრანსფერო ფანჯარაზე მისი დამატება უფასოდ, თავისუფალი აგენტის სტატუსით შეეძლება.