ვის დაიმატებს რეალი დაცვის გასაძლიერებლად?

თარიღი: 11 Nov 2024, 15:06

მადრიდის რეალში სერიოზული პრობლემებია. კარლო ანჩელოტის გუნდში უამრავი ტრამვირებული ფეხბურთელია და მათ რიცხვს ედერ მილიტაოც შეემატა, რომელიც მიმდინარე სეზონის დარჩენილ ნაწილს გამოტოვებს.

რეალს დაცვის ხაზში სერიოზული დანაკლისი აქვს, ამის გამო ზამთარში ცენტრალური მცველის დამატება გადაწყვეტილი ამბავია. მთავარი კანდიდატი ემერიკ ლაპორტია. ასევე დაიწერა სერხიო რამოსზეც, რომელიც თავისუფალი აგენტია და კლუბს ნებისმიერ დროს შეუძლია შეუერთდეს.

რეალი 12 შეხვედრის შემდეგ ჩემპიონატში მეორე ადგილზე იმყოფება და ბარსელონას 6 ქულით ჩამორჩება.