ვის შეხვდება ილია თოფურია შემდეგ ბრძლაში? - "ელ მატადორის" 3 პოტენციური მეტოქე

"ელ მატადორმა" მაქს ჰოლოუეი, რომელსაც მანამდე ნოკაუტით არასდროს წაუგია, მე-3 რაუნდში გათიშა და ჩემპიონობა შეინარჩუნა.

დიდი ალბათობით, ილიას მომდევნო მეტოქე ალექს ვოლკანოვსკი იქნება (თოფურიამ ქამარი სწორედ მისი დანოკაუტებით მოიპოვა). ჰოლოუეის დამარცხების შემდეგ, ქართველმა ოქტაგონზევე თქვა, რომ ვოლკი მასთან ბრძოლას იმსახურებს.

GIVEMESPORT-ი ილიას 3 სავარაუდო მეტოქეს გვთავაზობს:

როგორც ვთქვით, ამჟამად, ყველაზე სავარაუდო კანდიდატი ვოლკია. ის ქვემსუბუქი წონის ისტორიაში ერთ-ერთი უდიდესი მებრძოლია, რომელმაც ქამარი არაერთხელ დაიცვა. ჩანს, რომ UFC-იც რემატჩისკენ იხრება. თოფურია-ჰოლოუეის ბრძოლის დასრულების შემდეგ, ავსტრალიელი ილიასთან მივიდა და გამარჯვება მიულოცა - ეს, შესაძლოა, მინიშნება იყოს, რომ შემდეგი ბრძოლა სწორედ მათ შორის გაიმართება. თოფურიასა და ვოლკანოვსკის ჩხუბის მომდევნო წლის თებერვალში, სიდნეიში (ავსტრალია) ჩატარება განიხილება.

მიუხედავად თოფურია-ვოლკანოვსკის მოსალოდნელი ბრძოლისა, UFC-მა, შესაძლოა, შანსი ამომავალ ბრაზილიელ ვარსკვლავ დიეგო ლოპესს მისცეს. ლოპესი UFC-ში 1 წელზე მეტი ხნის წინ შეუერთდა და მალევე ქვემსუბუქი წონის რეიტინგში მე-3 ადგილზე ავიდა. მან რამდენიმე შთამბეჭდავი გამარჯვება მოიპოვა - ბრაიან ორტეგას, სადიქ იუსუფის და დენ იგის წინააღმდეგ. საუბარი იყო, რომ ავსტრალიაში ლოპესსა და ვოლკანოვსკის შორის დროებითი ტიტულისთვის ბრძოლა გაიმართებოდა, მაგრამ, ჩანს, რომ UFC-ის პირდაპირ თოფურია-ვოლკის რემატჩი სურს.

კიდევ ერთი პოტენციური ვარიანტი ირლანდიელი ლეგენდაა. ეს ცოტათი უცნაური იქნება, რადგან მაკრეგორს 3 წელზე მეტია, არ უბრძოლია, მაგრამ ილია და კონორი სოციალური ქსელების მეშვეობით ერთმანეთთან თრეშთოქინგს არ ერიდებიან. UFC-მა, შესაძლოა, ამით ისარგებლოს და მათ შორის ბრძოლა ჩანიშნოს. ქართველმა მაკგრგეორი ვოლკანოვსკის დამარცხების შემდგე გამოიწვია, თუმცა, ჯერჯერობით, სერიოზული არაფერია.