ვიტორ როკე ბეტისთან ძალიან ახლოსაა - მხარეები უახლოეს საათებში შეთანხმდებიან

COPE-ის ჟურნალისტის, ვიქტორ ნავაროს ინფორმაციით, ბარსელონა და ბეტისი ვიტორ როკეს ტრანსფერზე შეთანხმებასთან ერთ ნაბიჯში არიან.

ბრაზილიელი თავდამსხმელი სევილიურ კლუბში 2-წლიანი იჯარით გადავა. თავდაპირველად ბარსა როკეს ლისაბონის სპორტინგისთვის მიყიდვას აპირებდა, მაგრამ ფეხბურთელის სურვილი გაითვალისწინა.

ბეტისი ვიტორის ხელფასს თითქმის სრულად გადაიხდის. ანდალუსიურ კლუბს მისი გამოსყიდვის უფლება არ ექნება, "ბლაუგრანას" კი იჯარის გაწყვეტა ნებისმიერ დროს შეეძლება.

მეტეო მორეტოს ცნობით, ბარსელონას სპორტულმა დირექტორმა, დეკუმ თავიდან სპორტინგის შეთავაზება მიიღო - პორტუგალიელები როკეს სანაცვლოდ €20 მილიონს პლუს €12 მილიონს იხდიდნენ და სპორტინგის დირექტორი, უგო ვიანა კატალონიაშიც კი იმყოფებოდა. 

ვიტორს სპორტინგისთვის კარი არ დაუხურავს, მაგრამ როცა რადარზე ბეტისი გამოჩნდა, ახალგაზრდა მოთამაშემ "მწვანეებში" გადასვლა არჩია. ანდალუსიელები მას ხელფასის სახით €3 მილიონს გადაუხდიან. ბარსელონა და ბეტისი დოკუმენტებს რამდენიმე საათში გაცვლიან.