"ვოცნებობ, რომ ჩემთან ლივერპული მოვა და წამიყვანს", - ბუნდესლიგის ერთ-ერთი ბომბარდირი

"შტუტგარტის" თავდამსხმელ საშა კალაიჯიჩის განცხადებით, "ლივერპულს" გულშემატკივრობს და მერსისაიდელთა რიგებში გადაბარგება უნდა.

"ვოცნებობ, რომ ჩემთან "ლივერპული" მოვა და წამიყვანს. "შტუტგარტში" თავს ისე ვგრძნობ, როგორც საკუთარ სახლში, მაგრამ ეს რომ მოხდეს, მართლაც რთული გადაწყვეტილება იქნება, რადგან "ლივერპული" ძალიან მომწონს. ეს კლუბი ჩემთვის განსაკუთრებულია".

"როცა ბავშვი ვიყავი, 2005 წლის ჩემპიონთა ლიგის ფინალი ვიხილე, სადაც "ლივერპულმა" "მილანის" წინააღმდეგ ქამბექი მოახდინა და გამარჯვება მოიპოვა. ამან დამიპყრო".

"ბოლოს, როცა ჩემ ძმასთან ერთად "ლივერპულის" მატჩზე მივდიოდი, გავემზადე: შარფი, მაისური, კეპი და ჭიქა ვიყიდე", - ციტირებს 23 წლის ავსტრიელის სიტყვებს Bild.

კალაიჯიჩმა მიმდინარე სეზონში ბუნდესლიგის 23 მატჩში 12 გოლი გაიტანა. გერმანიის ჩემპიონატის ბომბარდირთა პირველ ათეულში ის ერთადერთია, ვისაც ყველა გოლი თამაშიდან აქვს გატანილი.