ვოიცეხ შესნიმ ბარსელონას თანხმობა განუცხადა

Relevo-ს ინფორმაციით, ვოიცეხ შესნიმ ბარსელონაში თამაშზე თანხმობა განაცხადა. მან კლუბისგან შეთავაზება გუშინ მიიღო და მზადაა, ბარსას სეზონის ბოლომდე დაეხმაროს.

თუ კატალონიური გრანდი პოლონელს გაიფორმებს, ჩემპიონთა ლიგაზე მისი დარეგისტრირება მაშინვე შეეძლება. წესების მიხედვით, თუ კლუბს ტრავმის გამო მინიმუმ 2 მეკარე არ ჰყავს, მისი შემცვლელის დარეგისტრირების უფლება აქვს. "ბლაუგრანას" პირველ გუნდში ამჟამად 2 კიპერია დარეგისტრირებული: ტერ შტეგენი და ინიაკი პენია - ვინაიდან გერმანელი ტრავმირებულია, ბარსას მისი შეცვლა შეუძლია.

ვოიცეხმა გასულ ზაფხულში საფეხბურთო კარიერა დაასრულა. ახლა კი, რადგან პოლონელი სხვა კლუბში გადასვლას აპირებს, იუვენტუსმა კომპენსაცია უნდა მიიღოს. იუვეს იმაზე ნაკლებ თანხას სთავაზობენ, ვიდრე კონტრაქტით არის გათვალისწინებული. თუ იტალიური გრანდის პასუხი დადებითი იქნება, ბარსა შესნის მაშინვე გაიფორმებს.

ბარსელონა კეილორ ნავასის ვარიანტსაც განიხილავდა, რომელიც მზადაა, "ლურჯ-ბროწეულისფერებს" შეუერთდეს, მაგრამ ჰანსი ფლიკმა არჩევანი შესნიზე შეაჩერა.