ავტორიზაცია
ვოიცეხ შესნის ალ ნასრში ტრანსფერი კითხვის ნიშნის ქვეშაა
ბოლო პერიოდში გავრცელებული ცნობებით, ვოიცეხ შესნი საუდის არაბეთში გადასვლასთან ახლოს იყო, თუმცა მოგვიანებით პრობლემები შეიქმნა.
ფაბრიციო რომანოს ინფორმაციით, პოლონელი მეკარის საუდი პრო ლიგაში გადაბარგება საფრთხის ქვეშაა - ბოლო დღეებში მიმდინარე წარმატებული მოლაპარაკებების მიუხედავად, ალ ნასრი და იუვენტუსი ვერ თანხმდებიან.
თავად ფეხბურთელის მხრიდან პრობლემა არაა - მას ტრანსფერის განხორციელება სურს, მთავარია საკითხი კლუბებს შორის მოგვარდეს.
აღსანიშნავია, რომ იუვენტუსი შესნის გაყიდვის წინააღმდეგი არაა, რადგან მონცადან 18 მილიონ ევროდ მიკელე დი გრეგორიო შეიძინა და მატია პერინთან კონტრაქტის გახანგრძლივებასაც გეგმავს.
