წარმოუდგენელი დრამა ბრაზილიიდან, რომლისაც 2012 წლის პრემიერ ლიგასაც შეშურდებოდა

იქამდე, VAR-მა კიდევ ერთი გოლი და პენალტიც გააუქმა.

„ინტერნასიონალს“ საჩემპიონო ტიტული 1979 წლის შემდეგ არ მოუგია. ამ სეზონში, გუნდს 42-წლიანი მშრალი სერიის შეწყვეტის ყველანაირი შანსი ჰქონდა. ჩემპიონატის დასრულებამდე 2 ტურით ადრე, გუნდი პირველ ადგილზე იყო და მოქმედ ჩემპიონ „ფლამენგოს“ ერთი ქულით უსწრებდა. ეს ორი გუნდი ერთმანეთს ბოლოსწინა ტურში შეხვდნენ. „ინტერის“ ქომაგები იმედოვნებდნენ, რომ სწორედ ამ მატჩში მოიპოვებდა გუნდი ნანატრ ჩემპიონობას, მაგრამ გასვლით შეხვედრაში, რომელიც „მარაკანაზე“ გაიმართა, „ინტერნასიონალი“ 2:1 დამარცხდა.

თანაც, იქ ცალკე დრამატული ისტორია მოხდა - საქმე ისაა, რომ „ინტერნასიონალში“ თამაშობს მარჯვენა მცველი როდინეი, რომელიც „ფლამენგოს“ საკუთრებაა. კლუბებს შორის დადებული შეთანხმების საფუძველზე, ამ ორი გუნდის უშუალო დაპირისპირებაში, ფეხბურთელი მონაწილეობას მხოლოდ იმ შემთხვევაში მიიღებდა, თუ „ინტერნასიონალი“ 1 მილიონ რეალი (ადგილობრივი ფულადი ერთეული) გადაიხდიდა - ამის გადახდაში გუნდს ერთ-ერთი ყველაზე მდიდარი ქომაგი, აგრობიზნესმენი დაეხმარა. ბედის ირონიით, სწორედ როდინეიმ თავის მშობლიურ გუნდთან მატჩში ჯერ პენალტი აიკიდა, შემდეგ კი წითელი ბარათიც მიიღო.

მიუხედავად მარცხისა, ბოლო ტურის წინ შანსებს „ინტერნასიონალი“ ჯერ კიდევ ინარჩუნებდა, რადგან „ფლამენგო“ წინ ორი ქულით გაიჭრა. ეს შანსები ძალიან გაიზარდა, როცა ტურნირის ლიდერი სტუმრად „სან პაულუსთან“ 1:2 დამარცხდა. „ფლამენგოს“ მწვრთნელმა, ლეგენდარულმა როჯერიო სენიმ, წააგო გუნდთან, რომელშიც მთელი კარიერა დაჰყო ფეხბურთელობის რანგში.

შესაბამისად, ბოლო ტურის საშინაო მატჩში, „ინტერს“ „კორინთიანსის“ დამარცხება სჭირდებოდა, მაგრამ ბოლო სათამაშო დღეს ბრაზილიაში დრამა უკიდურესად დატრიალდა. პირველ ტაიმში ვიდეორეფერიმ მასპინძლების გოლი და დანიშნული პენალტი გააუქმა. შემდეგ, გუნდმა სამჯერ მოარტყა ბურთი ძელს და ესეც კი არ იყო დასასრული.

97-ე წუთზე მასპინძელთა კაპიტანმა, ედენილსონმა, შორეულ ძელთან ბურთი კარში გადაგზავნა და „ინტერის“ ყვლა გულშემატკივარი გააბედნიერა - მაისური გაიძრო, პორტუ-ალეგრიელი გუნდის პერსონალი კი სიხარულისგან მოედანზე შევარდა. თუმცა, გვერდითმა არბიტრმა ალამი ასწია.„ინტერი“ მთელი შემადგენლობით დაეკატა მსაჯს, მაგრამ ვიდეორეფერიმ თამაშგარე მდგომარეობა დაადასტურა.

O INTER FICOU NO QUASE...
O Colorado teve um pênalti anulado pelo juiz após revisão no VAR e dois gols em impedimento invalidados. Não era a noite do time do Abel Braga! pic.twitter.com/6y51o13VQm

— TNT Sports Brasil (@TNTSportsBR) February 26, 2021

„ფლამენგოს“ ფეხბურთელები მატჩის შემდეგ ერთად შეიკრიბნენ და ტელეფონით ადევნებდნენ პარალელურ მატჩში მიმდინარე მოვლენებს. ეს ბრაზილიური მინი-სერიალი 2012 წლის პრემიერ ლიგის საჩემპიონო ბედს გაგახსენებთ.

როჯერიო სენი ამ ყველაფერს ვერ უყურებდა, ამიტომ გვერდით იჯდა. მაგრამ, მისი გუნდისთვის ყველაფერი იდეალურად დასრულდა - „ფლამენგომ“ „ინტერი“ ერთი ქულით ჩამოიტოვა და ჩემპიონატი ზედიზედ მეორედ, ისტორიაში კი მეშვიდედ მოიგო.