ყოფილი ევერტონელი, შესაძლოა, ლივერპულის სამწვრთნელო შტაბის წევრი გახდეს

De Telegraaf-ის ინფორმაციით, ლივერპული არნე სლოტის სამწვრთნელო შტაბში ჯონი ჰეიტინგას დამატებასთან დაკავშირებით მოლაპარაკებებს აწარმოებს.

40 წლის სპეციალისტი ადრე ვესტ ჰემში დევიდ მოიესის ასისტენტი იყო, მაგრამ შოტლანდიელი მენეჯერის წასვლის შემდეგ ლონდონური კლუბი დატოვა.

ჰეიტინგამ აღნიშნულთან დაკავშირებით განაცხადა: "მხოლოდ იმის თქმა შემიძლია, რომ ლივერპული დამიკავშირდა და ჩემი აგენტი რობ იანსენი მოლაპარაკებებს აწარმოებს."

აღსანიშნავია, რომ ყოფილი ნიდერლანდელი ფეხბურთელი 2009-2014 წლებში ევერტონში თამაშობდა და საინტერესოა, ლივერპულში მუშაობას რამდენად დათანხმდება. თუმცა, როგორც მის ნათქვამში ჩანს, ის დიდად წინააღმდეგი არ უნდა იყოს.