ყველაზე ცუდი დებიუტები ფეხბურთის ისტორიაში

თარიღი: 16 სექ 2024, 19:35

ფეხბურთში ბევრი ბრწყინვალე გვინახავს, თუმცა სამწუხაროდ, ბევრ შემთხვევაში საკმაოდ ცუდი სტარტიც დაფიქსირებულა.

გთავაზობთ 10 ყველაზე ცუდ დებიუტს ფეხბურთის ისტორიაში:

10. მარკოს ანტონიო (ნიურნბერგი, 2012 წელი)

ანტონიოს ბუნდესლიგური დებიუტი საშინელი გამოდგა. მატჩის დაწყებიდან 30 წამში, შტუტგარტთან მატჩში მან არაზუსტი პასი გააკეთა, რამაც გუნდს გაშვებულ გოლად დაუჯდა. რამდენიმე წუთის შემდეგ კი კიდევ ერთხელ შეცდა, თუმცა ამჯერად მეტოქემ ვერ გაიტანა. ამ შეცდომების გამო მარკოსი მე-16 წუთზე შეცვალეს და ამის შემდეგ ნიურნბერგში არასდროს უთამაშია.

9. ჯეისონ კროუ (არსენალი, 1997 წელი)

ჯეისონი არსენალში დებიუტს დიდხანს ელოდა, რადგან პირველი არჩევანი ლი დიქსონი იყო. როცა შანსი მიიღო, დიდი ყურადღება მიიქნია, მაგრამ უარყოფითი კუთხით. კროუ თამაშში სათადარიგოთა სკამიდან ჩაერთო და 33 წამში, მარტინ ო'კონერის წინააღმდეგ უხეში ვარდნის გამო მოედნიდან გააძევეს. ეს ინგლისური ფეხბურთის ისტორიაში ყველაზე სწრაფი წითელი ბარათი იყო. ჯეისონი არსენალში კიდევ რამდენიმე წელი ირიცხებოდა, მაგრამ აღარ უთამაშია და 200 წელს პორტსმუთში გადავიდა.

8. გლენ კილი (ევერტონი, 1982 წელი)

ბლექბერნ როვერსში იმედოვნებდა, რომ კილის ევერტონში განათხოვრება მის კარიერას წაადგებოდა, მაგრამ საქმე სხვაგვარად წარიმართა. ლივერპულთან მატჩში, რომელიც ევერტონმა 0-5 წააგო, გლენმა კენი დალგლიშის წინააღმდეგ წესების დარღვევის გამო 33-ე წუთზე წითელი ბარათი მიიღო. ამის შემდგე მას ევერტონის შემადგენლობაში აღარასდროს უთამაშია. კილი ბლექბერნში დაბრუნდა, სადაც 5 წელი დარჩა, 1997 წელს კი ოლდჰემ ატლეტიკში გადავიდა.

7. სტენლი მილტონი (ჰალიფაქს თაუნი, 1934 წელი)

სტენლის დებიუტი 1934 წელს, სტოკპორტ ქაუნთის წინააღმდეგ შედგა. სამწუხაროდ, მისი პირველი მატჩი კატასტროფა გამოდა - მილტონმა სადებიუტო მატჩში 13 გოლი გაუშვა. მისი დებიუტი ისტორიაში ერთ-ერთ ყველაზე ცუდად მიიჩნევა. 90 წლის შემდეგაც კი ამ ფაქტს აქტიურად იხსენებენ.

6. ლიონელ მესი (არგენტინა, 2005 წელი)

"ეს საოცნებო დებიუტი არ იყო," - თქვა არგენტინელმა. ლეო უნგრეთის წინააღმდეგ მოედანზე სათადარიგოთა სკამიდან შევიდა და 40 წამში ვილმოშ ვანჩაკისთვის იდაყვის ჩარტყის გამო წითელი ბარათი მიიღო. თუმცა, მესის სანაკრებო წარმატებული გამოდგა, რომ, სავარაუდოდ, ახლა ამაზე დიდად არ ფიქრობს.

5. ტომაშ რჟეპკა (ვესტ ჰემი, 2001 წელი)

ჩეხმა ფეხბურთელმა სადებიუტო მატჩში, მიდლსბროს წინააღმდეგ 2 ყვითელი ბარათი დაიმსახურა, რის გამოც მოედნის ნაადრევად დატოვება მოუწია. დაბრუნების შემდეგ კი პირველივე მატჩში წითელი ბარათი მიიღო. მიუხედავად ამისა, საბოლოოდ, ტომაშმა ვესტ ჰემში კარგად ითამაშა და ლონდონში 5 წელი დაჰყო.

4. კრის სმოლინგი (ალ ფაიჰა, 2024 წელი)

რომაში გატარებული რამდენიმე სოლიდური წლით, ინგლისელმა მანჩესტერ იუნაიტედში თამაშისას დაკარგული რეპუტაცია აღიდგინა. თუმცა, მას საუდის არაბეთში ისეთი დებიუტი ჰქონდა, ძველი დრო გაახსენდებოდა.

2 დღის წინ, ალ რაედთან მატჩში მან 6 წუთში ავტოგოლი გაიტანა, მეორე ტაიმში კი მოედნიდან გააგდეს და მისმა გუნდმა 0-5 წააგო.

3. ჰერმან რულანდერი (ვერდერი, 1981 წელი)

ვერდერის პირველი მეკარის ტრავმის გამო, 21 წლის რულანდერმა პირველ გუნდში შანსი მიიღო, მაგრამ სადებიუტო მატჩში 7 გოლი გაუშვა. მიუხედავად იმისა, რომ რულანდერი დარწმუნებული იყო, რომ შემდეგში უკეთ ითამაშებდა, სამწუხაროდ, ამ შეხვედრის შემდეგ შანსი აღარ მიუღია - ჰერმანს £11,000 მისცეს და უთხრეს, რომ აღარ დაბრუნებულიყო.

2. ჯონათან ვუდგეიტი (რეალ მადრიდი, 2005 წელი)

ინგლისელი მადრიდულ გრანდში მიდლსბროდან გადავიდა, რაც საკმაოდ უცნაური ტრანსფერი იყო. ტრავმის გამო ჯონათანმა ახალ გუნდში 17 თვე ვერ ითამაშა. როცა გამოჯანმრთელდა და მისი სადებიუტო მატჩი შედგა, ბურთი საკუთარ კარში ჩაჭრა, 2 ყვითელი ბარათი მიიღო და 66-ე წუთზე შეცვალეს. ესპანურმა გამოცემა Marca-მ ის 21 საუკუნეში ყველაზე ცუდ ტრანსფერად შერაცხა. ვუდგეიტმა რეალ მადრიდში მხოლოდ 14 მატჩი ჩაატარა და საბოლოოდ, მიდლსბროში დაბრუნდა.

1. ალი დია (საუთჰემპტონი, 1996 წელი)

საუთჰემპტონში დიას პირველი და ერთადერთი მატჩი სრული კატასტროფა იყო. მეტ ლე ტისიემ მის თამაშს "საყურებლად საშინელება" უწოდა. ალიმ თავი ლეგენდარული ლიბერიელი ფეხბურთელის, ჟორჟ ვეას ნათესავად გაასაღა, სინამდვილეში კი უბრალოდ სტუდენტი იყო, რომელსაც პროფესიონალურ დონეზე არანაირი გამოცდილება არ ჰქონდა. დიას წარსულის არანაირი შემოწმების გარეშე, მწვრთნელმა ის მოედანზე ლე ტისიეს ნაცვლად შეუშვა. მან მხოლოდ 21 წუთი ითამაშა, სანამ ისევ შეცვლიდნენ. რა თქმა უნდა, სენეგალელს აღარასდროს უთამაშია.

ასევე გამოსარჩევია:

საულ ნიგესი (ჩელსი, 2021 წელი) ასტონ ვილას წინააღმდეგ