ზენიტმა ტრანსფერი შეათანხმა — ბრაზილიელი ტალანტი რუსეთში მიდის

ფაბრიციო რომანოს ინფორმაციით, სანქტ-პეტერბურგის ზენიტმა ლუის ენრიკეს ტრანსფერზე ბოტაფოგოსთან შეთანხმებას მიაღწია.

რუსული კლუბი 24 წლის ტალანტის სანაცვლოდ ბრაზილიელებს €35 მილიონს გადაუხდის. რამდენიმე კვირის წინ ფიორენტინა ლუის ენრიკეში “ფოგოს” €20 მილიონს სთავაზობდა, მაგრამ ფლორენციელთა წინადადება დაიბლოკა.

აღსანიშნავია, რომ ეს ბოტაფოგოს ისტორიაში რეკორდული გაყიდვაა - ბრაზილიური კლუბიდან ამაზე ძვირად არავინ წასულა.

ლუის ენრიკე ფლუმინენსეს აღზრდილია. 2022-2024 წლებში ის ბეტისში ასპარეზობდა, შემდეგ კი ბოტაფოგოში გადავიდა.