ჟიულ კუნდემ მსოფლიოში საუკეთესო მეკარე დაასახელა

ბარსელონასა და საფრანგეთის ნაკრების ფეხბურთელმა, ჟიულ კუნდემ მსოფლიოში საუკეთესო მეკარე დაასახელა.

"ჩემთვის, მაიკ მენიო მსოფლიოში საუკეთესო მეკარეა," - განაცხადა ფრანგმა.

ბევრს ალბათ უკვირს, რომ კუნდემ საკუთარი თანაკლუბელი, მარკ-ანდრე ტერ შტეგენი არ აირჩია, თანაც იმის ფონზე, რომ გერმანელ კიპერს ბევრად დიდი ხანია, საფეხბურთო სამყარო იცნობს, ვიდრე მენიოს.

თუმცა, აღსანიშნავია, რომ მანუელ ნოიერთან კონკურენციის გამო, ტერ შტეგენს მსოფლიოს ან ევროპის ჩემპიონატზე არასდროს უთამაშია, მენიო კი, მილანში გატარებული შთამბეჭდავი სეზონის შემდეგ, ევროზეც შესანიშნავად გამოიყურება და ამ დრომდე მხოლოდ 1 გოლი გაუშვა.