ჟოან ლაპორტა ერლინგ ჰოლანდს უმიზნებს

Sport-ის ინფორმაციით, ბარსელონას პრეზიდენტს, ჟოან ლაპორტას სჯერა, რომ 2025 ან 2026 წელს ერლინგ ჰოლანდს გაიფორმებს.

ლაპორტა ნორვეგიელის ტრანსფერზე ოცნებობს და აპირებს კიდეც, რომ 2026 წლის საპრეზიდენტო არჩევნებამდე ამ საკითხთან დაკავშირებით განცხადება გააკეთოს.

ჟოანს ჰოლანდის აგენტ რაფაელა პიმენტასთან შესანიშნავი ურთიერთობა აქვს, რაც ბარსას უპირატესობას აძლევს. კლუბის სპორტულ დირექტორს, დეკუს პიმენტასთან მიმდინარე წელს რამდენიმე შეხვედრა ჰქონდა.

ჰოლანდს მანჩესტერ სიტისთან კონტრაქტი 2027 წლამდე აკავშირებს, მისი გამოსასყიდი თანხა კი, გავრცელებული ცნობებით, €200 მილიონს შეადგენს.

ცოტა ხნის წინ გავრცელებული ინფორმაციით, ერლინგი ფიქრობს, რომ მისი ინგლისური კარიერა დასასრულისკენ მიდის და ესპანეთში გადაბარგება სურს.