"ზიდანი 2006 წლის ფინალის შემდეგ აღარ მინახავს" | მარკო მატერაცი

ყოფილმა იტალიელმა ფეხბურთელმა, მარკო მატერაციმ მუნდიალის ფინალში, ზინედინ ზიდანთან მომხდარი ინციდენტი გაიხსენა.

"ზიდანი 2006 წლის მსოფლიო ჩემპიონატის ფინალის შემდეგ აღარ მინახავს, მაგრამ მომავალში ვეცდებით... მე მზად ვარ. უკვე დიდები ვართ, მე ბაბუა ვარ. ვინმესთან ჩხუბი არ მჭირდება. დიდ პატივს ვცემ მის საფეხბურთო და სამწვრთნელო კარიერას. რაც მოედანზე ხდება, მოედანზევე რჩება.

სიმართლე გითხრათ, არ ველოდი, რომ ზიდანი ამას გააკეთებდა. მეგონა, რომ უბრალოდ ვიჩხუბებდით და ორივეს გაგვაგდებდნენ, მაგრამ გამიმართლა.

ზიდანმა თავისი მაისური შემომთავაზა, მე კი ვუთხარი, რომ მისი და მერჩივნა," — მარკო მატერაცი.