ავტორიზაცია
ზინედინ ზიდანმა დაასახელა ფეხბურთელი, რომელსაც ოქროს ბურთი უნდა მოეგო
ლეგენდარულმა ფრანგმა, ზინედინ ზიდანმა დაასახელა ფეხბურთელი, რომელიც, თავისი აზრით, ოქროს ბურთის მოგებას იმსახურებდა.
ზიზუ მიიჩნევს, რომ ყველაზე პრესტიჟული ჯილდო ანდრეს ინიესტას უნდა მოეგო.
"თუ ფეხბურთი გიყვარს, რთულია, როცა ინიესტასნაირი ფეხბურთელის წასვლას ხედავ. მას არ შეხედოთ, როგორც ბარსელონას მოთამაშეს - ანდრესს ვუყურებ, როგორც უბრალოდ ფეხბურთელს. მასზე მხოლოდ კარგი მეთქმის და ვაფასებ იმ ფეხბურთის გამო, რასაც გვაჩვენებდა.
ჩვენ ვსაუბრობთ ადამიანზე, რომელიც ხალხის შთაგონების წყარო გახდა და ოქროს ბურთს იმსახურებდა, განსაკუთრებით იმ წელს, როდესაც მსოფლიო ჩემპიონატი მოიგო. აშკარაა, რომ მისთვის აღნიშნული ჯილდო უნდა მიეცათ," - განაცხადა ზიდანმა.
ინიესტა 2010 და 2012 წლებში ოქროს ბურთის სამეულში მოხვდა, მაგრამ ეს პრიზი არასდროს მოუგია.
