ზლატანი: "MLS-ის ისტორიაში საუკეთესო ფეხბურთელი ვარ, თავს არ ვიქებ, ეს სიმართლეა"

ზლატან იბრაჰიმოვიჩმა საკუთარ თავს MLS-ის ისტორიაში საუკეთესო ფეხბურთელი უწოდა.

შვედი „ლოს ანჯელეს გალაქსიში“ 2018-2019 ითამაშა და ამ პერიოდში 58 მატჩში 53 გოლი და 15 ასისტი მიითვალა.

„მლს-ის მადლიერი ვარ, რომ მათ მომცეს შანსი თავი ცოცხლად მეგრძნო. თუმცა, ამ ტურნირისთვის ზედმეტად კარგი ვიყავი და ეს დავამტკიცე კიდეც. საუკეთესო ვარ, ვისაც ოდესმე მლს-ში უთამაშია. ახლა სულაც არ ვცდილობ ეგოს წარმოჩენას ან ქედმაღლურად საუბარს. უბრალოდ, ეს სიმართლეა.

ამ ლიგაში კარგი დრო გავატარე. მომწონდა, როგორ მუშაობდნენ, როგორ აკეთებდნენ მარკეტინგს. ვფიქრობ, მლს-ში თამაში ტრავმის შემდეგ საუკეთესო გამოსავალი იყო იქ ისტორიაში საუკეთესო ფორმით წარვსდექი.

ვამაყობ, რომ მლს-ში მითამაშია, იმიტომ რომ მეუბნებოდნენ, რომ იქ ცარიელი ტრიბუნებია.  მაგრამ, ასე არ იყო. ხშირად გადაჭედილიც იყო, ასე რომ ვერ დავიწუწუნებ.“ - აღნიშნა „მილანის“ ვეტერანმა.