"შტუტგარტის" კაპიტანი და ცენტრალური ნახევარმცველი, კრისტიან გენტნერი, "ვოლფსბურგთან" თამაშის მიმდინარეობისას პირდაპირ საავადმყოფოში გადაიყვანეს.

"შვაბების" ერთ-ერთი ლიდერი სტუმართა გოლკიპერს, კოენ კასტეელს, შეეჯახა და სერიოზული დაზიანება მიიღო. მას ბელგიელი კიპერის მუხლი პირდაპირ სახეში მოხვდა და მოედანი უმალვე დატოვა.

როგორც "შტუტგარტის" ოფიციალური ვებ-საიტი იტყობინება, გენტნერის ჯანრმთელობას სერიოზული არაფერი ემუქრება, მაგრამ მას ტვინის შერყევა და სახის ძვლების დაზიანებები აღმოაჩნდა.

ბუნდესლიგის ახალწვეულმა გუშინდელი თამაში მინიმალური ანგარიშით (1:0) მოიგო და მორიგი სამი ქულა მოიპოვა, მაგრამ გენტნერი გაურკვეველი ვადით დაკარგა.