"ჩემპიონთა ლიგას მარტო ვერ მოიგებს", - ბრუნო რონალდუს გამოექომაგა

"მანჩესტერ იუნაიტედის" ნახევარმცველმა, ბრუნო ფერნანდეშმა "პორტუს" წინააღმდეგ ჩემპიონთა ლიგის 1/8 ფინალში "იუვენტუსის" თავდამსხმელ კრიშტიანუ რონალდუს თამაშზე ისაუბრა.

"კრიშტიანუ ფეხბურთის ისტორიაში ერთ-ერთი უდიდესი ფეხბურთელია. მისი მენტალიტეტი შთააგონებთ მათ, ვინც სპორტის ამ სახეობითაა დაკავებული".

"რონალდუმ ბევრი მოიგო, მაგრამ მარტო ვერავინ გაიმარჯვებს. მესმის, "იუვენტუსში" მისმა გადასვლამ ტურინში ჩემპიონთა ლიგის მოგებასთან დაკავშირებით წარმოუდგენელი მოლოდინები შექმნა, მაგრამ არა ერთი ფეხბურთელი, არამედ მთელი გუნდი მარცხდება", - ციტირებს ფერნანდეშის სიტყვებს Football Italia.

9 მარტს, "ბებერმა ქალბატონმა" ჩემპიონთა ლიგის საპასუხო 1/8 ფინალურ შეხვედრაში "პორტუ" დაამარცხა, თუმცა ორი მატჩის ჯამში დამარცხდა და ტურნირს გამოეთიშა (1:2, 3:2 დ.დ).

ასევე იხილეთ:

"რონალდუს ბურთის სახეში მოხვედრის ეშინია", - იუვენტუსის ყოფილი ფეხბურთელი