იუვენტუსმა რონალდუს ფასი დაადო - იტალიური პრესა

"იუვენტუსმა" მომავალ ზაფხულს შეიძლება თავდამსხმელი, კრიშტიანუ რონალდუ გაყიდოს.

როგორც იტალიურ პრესაში იწერება, ჩემპიონთა ლიგიდან გავარდნა და პორტუგალიელის დიდი ხელფასი ტურინელთა ხელმძღვანელობას ფეხბურთელთან განშორებას აიძულებს.

ცნობისთვის, 36 წლის სუპერვარსკვლავი "ბებერ ქალბატონში" წლიურად 31 მილიონ ევროს გამოიმუშავებს.

"იუვენტუსმა" კორონავირუსის პანდემით გამოწვეული კრიზისის ფონზე გადაწყვიტა, რომ უმჯობესი იქნება კრიშტიანუ 60 მილიონად გაყიდოს. ფეხბურთელით "პსჟ", "მანჩესტერ იუნაიტედი", "მანჩესტერ სიტი" და სხვა ტოპ კლუბები ინტერესდებიან.

რონალდუ "ბიანკონერის" ღირსებას 2018 წლიდან იცავს, ტურინში იგი "რეალიდან" 100 მილიონის სანაცვლოდ გადავიდა.

ასევე იხილეთ:

პირლო ჩემპიონთა ლიგიდან გავარდნის შემდეგ რონალდუს მიმართ კრიტიკას გამოეხმაურა