"ამას უკვე მივეჩვიეთ", - პოჩეტინომ პსჟ-ში მბაპეს მომავალზე განცხადება გააკეთა

"პსჟ"-ს მთავარმა მწვრთნელმა, მაურისიო პოჩეტინომ განაცხადა, რომ პარიზული კლუბი თავდამსხმელ კილიან მბაპესთან კონტრაქტის გახანგრძლივებაზე მოლაპარაკებებს აწარმოებს.

"მბაპეს გარშემო არსებული ჭორები - ამას უკვე მივეჩვიეთ. მთავარია, კილიანი ჩუმად არის, გუნდზე და მიღწევებზეა კონცენტრირებული".

"კილიანი ძალიან მოწიფულია, მიუხედავად ასაკისა. კლუბი და ფეხბურთელი შეთანხმებას ცდილობენ, რათა მბაპე ჩვენთან დიდხანს დარჩეს. ამაზე ვმუშაობთ", - ციტირებს პოჩეტინოს სიტყვებს Goal.com.

22 წლის ფრანგ სუპერვარსკვლავს პარიზულ კლუბთან კონტრაქტის ვადა 2022 წლის ზაფხულში ეწურება. ამ სეზონში მბაპემ ლიგა 1-ში 26 მატჩი ჩაატარა, 20 გოლი გაიტანა და 6 შედეგიანი გადაცემა გააკეთა.

ასევე იხილეთ:

ნეიმარის და მბაპეს ფასი საგრძნობლად დაეცა - ლიგა 1-ის გაიაფებულთა ტოპ-10