ავტორიზაცია
ოქრიაშვილი ანორთოსისს ტოვებს - ქართველი შემტევისთვის ბრძოლაში ფავორიტი უკვე გამოიკვეთა
Alphanews-ის თანახმად, თემურ ქეცბაიასთან ერთად, მიმდინარე სეზონის დასრულების შემდეგ, ფამაგუსტას "ანორთოსისს" თორნიკე ოქრიაშვილიც დატოვებს.
ქართველ შემტევს ჰყავს რამდენიმე მსურველი, სხვებზე მეტად აქტიურობს კვიპროსის ჩემპიონატის კიდევ ერთი ბინადარი: ნიქოზიას "ომონია".
კვიპროსის ჩემპიონატს ამ დროისთვის 56 ქულით ლიდერობენ სწორედ "მწვანეები", რომლებიც ქეცბაიას გუნდს 5 ქულით უსწრებენ.
შეგახსენებთ, "ანორთოსისის" ათიანი კვიპროსში თამაშობს 2019 წლიდან და ამ დროის შემდეგ მან 33 შეხვედრაში 12 გოლის გატანა მოასწრო.
29-წლის თავდამსხმელის გარდა, ფამაგუსტაში ირიცხებიან გიორგი ლორია, გიორგი ქვილითაია და მურთაზ დაუშვილი.
რაც შეეხება "თეთრ-ლურჯების" ქართველ დამრიგებელს, ჯერჯერობით უცნობია, თუ რომელ გუნდში გააგრძელებს ის მოღვაწეობას.
