ავტორიზაცია
ჩელსი სუპერლიგას ბოლო მომენტში დათანხმდა და ახლა ნანობს - ვინ ითხოვდა ინგლისიდან ახალი ტურნირის შექმნას დაჟინებით?
ცნობილი გახდა, თუ რატომ განაცხადა უარი "ჩელსიმ" ევროპის სუპერლიგაში მონაწილეობაზე.
ლონდონური კლუბი ტურნირის მონაწილეთა სიიდან მთელი მსოფლიოს გარშემო გულშემატკივრების ნეგატიური რეაქციის გამო გადის.
როგორც გავლენიანი გამოცემა Sky Sports-ი წერს, "ჩელსი" ტურნირს ბოლო მომენტში დათანხმდა და მისი შექმნის ინიციატორი არ ყოფილა.
ახლა კი, "არისტოკრატები" მიღებულ გადაწყვეტილებას ნანობენ და შეცდომად მიიჩნევენ.
აღინიშნება, რომ ინგლისიდან ტურნირის შექმნას დაჟინებით "მანჩესტერ იუნაიტედი", "ლივერპული" და "არსენალი" ითხოვდნენ.
თავის მხრივ, "მანჩესტერ სიტი" და "ტოტენჰემიც" აწარმოებენ სუპერლიგიდან გასვლის თაობაზე შიდა მოლაპარაკებებს.
სუპერლიგას კრახი ელის? — 12-ვე გუნდს შორის საგანგებო შეხვედრა დაითქვა
