პირლოს იუვენტუსიდან წასვლა გადაწყვეტილია — ტურინში მისი პოტენციური შემცვლელი შეამჩნიეს!
"იუვენტუსის" მთავარ მწვრთნელს, ანდრეა პირლოს ძალიან მალე გაათავისუფლებენ, წერენ იტალიურ პრესაში.
როგორც ცნობილი გამოცემა La Gazzetta dello Sport-ი იტყობინება, ტურინში მასიმილიანო ალეგრი შეამჩნიეს. სავარაუდოდ, 53 წლის სპეციალისტი "იუვეში" დაბრუნდება.
ალეგრის სასარგებლოდ გაკეთებული არჩევანი იმ შემთხვევაშიც კი არ შეიცვლება, თუ პირლო სერია ა-ს მიმდინარე გათამაშების შედეგების მიხედვით გუნდს ჩემპიონთა ლიგაზე გაიყვანს.
33 ტურის შემდეგ, "ბიანკონერი" იტალიის ჩემპიონატის სატურნირო ცხრილში 66 ქულით მე-4 ადგილს იკავებს.
ალეგრიმ ტურინულ გრანდში 2014 წლიდან 2019 წლამდე იმუშავა. მისი ხელმძღვანელობით გუნდი იტალიის ჩემპიონი 5-ჯერ გახდა, ოთხჯერ მოიგო იტალიის თასი და ორჯერ - იტალიის სუპერთასი.
თავის მხრივ, პირლო "იუვენტუსის" მთავარ მწვრთნელად 2020 წლის 30 ივლისს დაინიშნა.