ლევან შენგელიას გოლი თურქეთში და 5:1 გამარჯვება [VIDEO]

თარიღი: 02 May 2021, 19:27

თურქეთის ჩემპიონატის 39-ე ტურში ერთმანეთს "კონიასპორი" და "კარაგუმრუკი" დაუპირისპირდნენ.

მატჩი მასპინძელთა სრული უპირატესობით წარიმართა და მათივე გამარჯვებით 5:1 დასრულდა.

"კონიასპორის" ქართველი შემტევი ლევან შენგელია მოედანზე 67-ე წუთზე შემოვიდა და გოლი 92-ე წუთზე გაიტანა, რითიც საბოლოო ანგარიში დააფიქსირა.

ამჟამად ქართველი ფეხბურთელის გუნდს 45 ქულა აქვს და სატურნირო ცხრილში მე-11 პოზიციას იკავებს.

მიმდინარე სეზონში შენგელიას ანგარიშზე 5 გოლი და 3 საგოლე გადაცემაა.

ყველა სიახლე