ოფიციალურად: ლეო მესი ოქროს ბუცს წელსაც ვერ მოიგებს - როგორი მდგომარეობაა ამ პრიზისთვის ბრძოლაში?

„ბარსელონას“ თავდამსხმელი, ლეო მესი, ამ სეზონის შედეგად ოქროს ბუცის მოგებას ვერ მოახერხებს.

დღეს, 21 მაისს დადასტურდა, რომ არგენტინელი ფეხბურთელი ლა ლიგის 38-ე ტურის მატჩს გამოტოვებს, რომელშიც „ბარსელონას“ მეტოქე „ეიბარი“ იქნება“.

ამჟამად, ლეო 30 გოლით ევროპის ტოპ-ჩემპიონატების ბომბარდირი არ არის და შესაბამისად, ოქროს ბუცს ნამდვილად ვერ მოიგებს.

ამრიგად, ლეო ამ ტიტულის გარეშე ზედიზედ მეორედ გახდება. გასულ სეზონში, პრიზის მფლობელი „ლაციოს“ თავდამსხმელი, ჩირო იმობილე გახდა, იქამდე კი, ზედიზედ სამჯერ, მისი მოგება მესიმ მოახერხა.

ჯამურად, ლეოს ოქროს ბუცი ექვსჯერ აქვს მოგებული - 2010, 2012, 2013, 2017, 2018 და 2019.

პრაქტიკულად გადაწყვეტილია, რომ ამ სეზონში ევროპის ჩემპიონატების საუკეთესო ბომბარდირი რობერტ ლევანდოვსკი გახდება, რომელიც 40 გოლით პირველ ადგილს იკავებს და უახლოეს მდევარ ლეო მესის 10 გოლით ასწრებს. გასულ სეზონში, ლევანდოვსკი მეორეზე გავიდა და მხოლოდ ჩირო იმობილესთან დამარცხდა.

მესი ლა ლიგის ბოლო ტურის მატჩს გამოტოვებს