"შეიძლება, საიდუმლოს ვამხელ", - გვარდიოლამ აგუეროს ახალი კლუბი დაასახელა
!["შეიძლება, საიდუმლოს ვამხელ", - გვარდიოლამ აგუეროს ახალი კლუბი დაასახელა](http://storage.goal.ge/uploads/posts/wZbB8aOI79AtupTtMBq60gP9ffyj8mKH.jpg)
"მანჩესტერ სიტის" მთავარმა მწვრთნელმა, პეპ გვარდიოლამ განაცხადა, რომ ფორვარდი, სერხიო აგუერო "ბარსელონაში" გადასვლასთანაა ახლოს.
"შეიძლება, საიდუმლოს ვამხელ, აგუერო ჩემი გულის კლუბთან კონტრაქტის გაფორმებასთან ახლოს არის - "ბარსელონასთან". ყველა დროის საუკეთესო ფეხბურთელთან ერთად ითამაშებს - მესისთან".
"თითქმის დარწმუნებული ვარ, რომ მოეწონება. და, ალბათ, "ბარსელონა" მოედანზე უფრო და უფრო ძლიერი იქნება", - ციტირებს გვარდიოლას სიტყვებს Goal.
32 წლის არგენტინელი "მანჩესტერ სიტის" მიმდინარე სეზონის დასრულების შემდეგ დატოვებს და თავისუფალი აგენტი გახდება. ფორვარდი "ქალაქელთა" ღირსებას 2011 წლიდან იცავს.
"სიტის" რიგებში აგუერო ინგლისის ჩემპიონი 4-ჯერ გახდა, ინგლისის თასი მოიგო, ინგლისის სუპერთასს 3-ჯერ დაეუფლა და 5-ჯერ გახდა ინგლისის ლიგის თასის გამარჯვებული.
VIDEO: "მისი შეცვლა შეუძლებელია", - გვარდიოლამ აგუეროსთან დამშვიდობებისას ემოციები ვერ შეიკავა