ავტორიზაცია

ტრანსფერი მალე დაიხურება - საბა ლობჟანიძე ახალ გუნდს მიუახლოვდა

ტრანსფერი მალე დაიხურება - საბა ლობჟანიძე ახალ გუნდს მიუახლოვდა
თარიღი: 28 მაი 2021, 21:11

საქართველოს ნაკრების 26 წლის ნახევარმცველი საბა ლობჟანიძე კარიერის ჰატაისპორში გაგრძელებასთან ძალიან ახლოსაა.

ამის შესახებ ადგილობრივი გამოცემა ajansspor წერს და იუწყებიან, რომ ქართველი შემტევი ჰატაისპორის მწვრთნელის ომერ ერდოღანის მთავარ სამიზნეებშია.

"ჰატაისპორმა ახალი სეზონისთვის მზადება უკვე დაიწყო, გუნდის მთავარი მწვრთნელის ომერ ერდოღანის მთავარ სამიზნეებშია გავარდნილი ანკარაგუჯუს გარემარბი საბა ლობჟანიძე. ახლა საქართველოს ნაკრების შემტევი თავისუფალი აგენტია და მას ჰატაისპორმა უკვე გაუგზავნა შეთავაზება," - წერს ajansspor.

საბა ლობჟანიძემ 2020/21 წლის სეზონში 38 მატჩში მიიღო მონაწილეობა, 3 გოლი გაიტანა და 8 საგოლე გადაცემა გააკეთა.

რაც შეეხება ჰატაისპორს, თურქეთის ჩემპიონატის გასული სეზონი მე-6 პოზიციაზე დაასრულა.

EXCLUSIVE: მალე შეკრებას დატოვებს - კვარაცხელია ნაკრებს ივნისის მატჩებში ვერ დაეხმარება

მალე ესპანეთში გაფრინდება - გიორგი მამარდაშვილი ვალენსიას ფეხბურთელია!