კარიერაში პირველად - ხოსეპ გვარდიოლა ჩემპიონთა ლიგის ფინალში დამარცხდა

პორტუგალიურ სტადიონ „დრაგაოზე“ მოხდა ის, რაც აქამდე არასდროს მომხდარა.

პეპ გვარდიოლამ, რომელიც 2011 წლის შემდეგ ჩემპიონთა ლიგის ფინალში პირველად გავიდა, ასევე პირველად წააგო ეს გადამწყვეტი შეხვედრა.

აქამდე, ესპანელი სპეციალისტი კარიერაში ორჯერ იყო გასული ჩემპიონთა ლიგის ფინალში (ორივეჯერ ბარსელონასთან ერთად) და ორივეჯერ გამარჯვება მოიპოვა.

საინტერესოა, რომ სამივე, ჩემპიონთა ლიგის ფინალში, პეპ გვარდიოლას მეტოქე ინგლისური გუნდი იყო - 2009, 2011 წლებში მანჩესტერ იუნაიტედი, წელს კი ჩელსი.

თომას ტუხელმა კი ზედიზედ მეორედ მოახერხა ჩემპიონთა ლიგის ფინალში გასვლა (თანაც სხვადასხვა გუნდებთან ერთად) და თასი პირველად აღმართა.

„ჩელსიში“ იანვარში დანიშვნის შემდეგ, ტუხელმა გვარდიოლას დამარცხება სამიდან სამჯერ მოახერხა.
 

დი მატეოს ისტორია განმეორდა - ლონდონის ჩელსი 2020/21-სეზონის ჩემპიონთა ლიგის გამარჯვებულია!